Implicadas/os no Desenvolvemento

Sorteo da gran cesta solidaria de Implicadas

2012-02-16T18:27:00.001+01:00

O vindeiro sábado 31 de marzo facendo coincidir co sorteo da Lotería Nacional dese día celebrarase o sorteo da gran cesta solidaria que Implicadas No Desenvolvemento terá exposta no seu local, Avda. das Camelias, 49. Baixo. Vigo.

Consulta o listado de produtos dos que se compón a cesta aquí.

Máis información na nosa web www.implicadas.com

Exposición en Vigo: "Auga para Etiopía"

2012-02-02T21:23:00.004+01:00

Do 6 ao 24 de febreiro a exposición "Auga para Etiopía" estará no Punto Xove, en Vigo. Ademáis, o 16 de febreiro, as 19 horas, proxectarase o documental "A Semente: Etiopía".

Implicadas/os No Desenvolvemento terá exposta "Auga para Etiopía en Vigo, no Punto Xove, dende a semana próxima ata o 24 de febreiro. No mesmo espazo terá lugar a proxección do documental "A Semente: Etiopía" o 16 de febreiro arredor das 19 horas.

A exposición Auga para Etiopía reivindica a desigualdade na xestión da auga nos países do Sur, onde a carencia de auga non é un problema de carencia de recursos senón de distribución e uso. Países tan secos como Arabia Saudi (100mm/ano) non experimentan problemas de auga mentres que outros moito máis vizosos, coma Etiopía (500 mm/ano), viven nunha situación de carencia permanente. A falta de investimento en infraestruturas fai que a auga non chegue á poboación.

Son as mulleres e nenas as encargadas de percorrer grandes distancias para abastecer á familia da auga que precisa para pasar o día, cargando ás costas os 25 litros que transportan por un terreo escabroso só accesible a pé ou en mula. Esta actividade que cae na responsabilidade das mulleres xunto coas restantes tarefas que deben desenvolver as mulleres ó cabo do día, coma a alimentación e coidado da familia, limpeza do fogar, atender á horta e ós animais, etc, ocasiona que non poidan dispoñer do tempo suficiente para facer uso dos seus dereitos máis esenciais, como son o ocio e tempo libre, a educación, a sanidade, a participación política, social e cultural, etc.

Esta exposición foi elaborada no marco da Campaña 'Auga para Etiopía' celebrada nos anos 2008, 2009 e 2010. Web da campaña: http://www.augaparaetiopia.org/

'Despois da medianoite', nos Cafés Literarios do CDRF de Vigo

2012-01-19T17:14:00.001+01:00

A obra de Salma, Despois da medianoite, será o libro que se abordará no Club de lectura do Centro de Documentación e Recursos Feministas de Vigo. Se liches esta obra da escritora támil ou tes pensado lela non deixes de acudir a esta cita.

Sobre a autora do libro:

SALMA (Thuvarankurichi, 1970) é unha das escritoras támiles máis relevantes do actual panorama literario indio. Provén dunha familia tradicional musulmá e dunha aldea próxima á cidade de Tiruchirapalli e como moitas mozas da súa rexión non rematou a escala primaria. Aínda así, dende os trece anos comezou a escribir poesía e máis adiante a publicar en revistas literarias. Durante anos escribiu na clandestinidade, pola oposición da súa familia. A súa obra foi obxecto de críticas destrutivas en sectores literarios polo uso da sexualidade feminina dunha maneira aberta na súa obra e tamén polo contido feminista dos seus escritos.

Salma ten publicadas varias antoloxías poéticas, e no Café Literario do CDRF de VIgo analizarase a súa novela Irandaan Jaamangalain Kathai (Despois da medianoite), en tradución de María Reimóndez, que participará no acto como relatora.

O club de lectura do Centro de Documentación e Recursos Feministas de Vigo conta coa colaboración de Implicadas/os no Desenvolvemento para a selección dalgunhas obras e relatoras.

Presentamos o cartel do Implícate! 2012

2012-01-02T16:09:00.000+01:00

Como todos os anos publicamos o cartel do Implícate! deste ano. Nos esquezades mercar as vosas entradas.

Os meus ollos, as túas mans

2011-12-26T20:31:00.000+01:00

Implicadas organiza a segunda edición desta actividade que mestura arte e solidariedade

O vindeiro martes 27 de decembro Implicadas realiza por segundo ano consecutivo un encontro entre o voluntariado e ilustradoras que plasmarán nos seus debuxos o traballo que as voluntarias realizan na organización. O encontro terá lugar na Casa da Xuventude de Lugo (R/ Xesús Bal e Gai s/n), en horario de 10.00 a 14.00 e de 16.30 a 20.00h. Durante esta xornada, ilustradoras e voluntariado compartirán momentos de formación e lecer co fin de poñer en común unha experiencia, unha creación, unha ilustración. O resultado desta xornada será unha exposición itinerante formada polas pezas realizadas durante esta sesión, que percorrerá a comunidade galega baixo o título, Os meus ollos, as túas mans.

Puntos de venda da Axenda do Desenvolvemento 2012

2011-12-19T16:45:00.009+01:00

Xa podedes mercar a nosa Axenda do Desenvolvemento 2012. Acércate ao noso local: Avda. das Camelias, 49 interior - 36211 Vigo (Pontevedra) ou a calquera dos seguintes puntos de venda:

1. PROVINCIA DE A CORUÑA:

ASOCIACIÓN DE MEXILLOEIROS A RIANXEIRA: Muelle s/n. Galpón 9-10. Rianxo.
FERRETERÍA DEL PARDO: R/Eugenio Pardo Conchado, 6. CP 15176. Oleiros.
PARQUE INFANTIL COCOLOCO: Avda/ Juan Carlos I. s/n. (Dentro do Centro Comercial Haley). O Burgo. A Coruña
CAFETERÍA – CERVEXERÍA ORIXES: Trvs. Iria Flavia, 11. Padrón. A Coruña
FROITERÍA LA HUERTA: R/ Viñas de Babilonia. Santa Cruz (Oleiros – A Coruña).
CEIP VALLE-INCLÁN ANPA VALLE – INCLÁN: Avda/ Valle Inclán. s/n. Perillo – Oleiros
CAFÉ – BAR A REPICHOCA: R/ Orillamar, 13. (A Coruña)
TENDA DE ROUPA E COMPLEMENTOS LA MONDA. R/A Gaiteira. A Coruña
Expendeduría/estanco nº 3: R/ Real, 2. Pontedeume.
Copistería JOYPA: R/ Real, 22. Pontedeume.
COPY EUME: Avenida Ricardo Sánchez, 19 Baixo. Pontedeume.
VIAXES ZAFIRO – TOURS: R/ Pla y Cancela, 51. Baixo. CP 15005. A Coruña.
ALIMENTACIÓN DÍAZ CALVO, ANTONIO. Avenida Ricardo Sánchez, 13. Pontedeume.
HERBOLARIO NENÚFAR. R/ Julio Rodríguez Yordi, 2. A Coruña
ECOTENDA SEARA. R/ Orzán, 14. A Coruña
HERBOLARIO MENTA. R/ Rua Nueva, 3. A Coruña
DE COTÍO: Xelmírez,26. Santiago
COPY A3: Pza de Mazarelos. Santiago
PEDREIRA: Home Santo,55. Santiago
AMARANTE: San Pedro,67. Santiago
COUCEIRO: Pza. Cervantes. Santiago
A REIXA-tenda: Mazarelos,9. Santiago
AENEA: Irmáns Alvite, 3. Santiago
TRISKEL: San Pedro, 30. Santiago
EQUISOL: Gómez Ulla,4. Santiago
BAR A CAPILLA: A Igrexa de Calo, 24, Calo, Teo. Santiago
ARCO IRIS: Taboada. Santiago
PAPELERÍA SUCOPIA. Ronda de Nelle, 137. A Coruña
CONFECCIONES NEW YORK STYLO. Avda. Finisterre, 242. A Coruña
NOVIAS LOTI. R/ José Baldomir, 28. A Coruña
COPISTERÍA REGA, S.L. R/ Gregorio Hernández, 14. A Coruña
ECOGAIA. Productos ecolóxicos. Mercado de Montealto, 10. A Coruña
CAFÉ – BAR CASTELAO. Paseo da Ribeira, s/n. Rianxo.
CERVEXARÍA GALLAECIA. Praza Castelao, s/n. Rianxo.

2. PROVINCIA DE LUGO:

IMPRENTA/ PAPELERÍA CARLIN CHUZOS S.L.: Avenida de Galicia, 28. Monforte de Lemos.
FROITERÍA PASCUA: Avenida de Lugo, 57 Monterroso. (Lugo)
Libraría TRAMA: Avd. da Coruña 39. Lugo
A COVA DA TERRA: R. Nóreas, 12. Lugo
XOANIÑA: R. Bon Xesús, 6. Lugo
Libraría D`PAPEL: Monterroso
BAR BRUSELAS. Monterroso

3. PROVINCIA DE PONTEVEDRA:

LIBRARÍA ANDEL: Rúa Pintor Lugrís, nº10. Vigo

 COPIGAMA: Avda das Camelias, nº48. Vigo

 QUIOSCO CANDIL: Avda das Camelias, nº45. Vigo

 TINTORERÍA VICUS: Rúa Ecuador, nº43. Vigo

LIBRARÍA CARTABÓN: Rúa Urzáiz, nº125. Vigo. 

 EL CONTRABAJO: Rúa Venezuela, nº83. Vigo.

 RESTAUTANTE O COMAREIRO: Carreteira de Ourense, nº12. Cerdedo.

Nos próximos días anunciaremos máis puntos de venda.

VII Edición do 'Implícate! Noite de música e palabra solidaria'

2011-12-15T11:02:00.000+01:00

Un ano máis, o Teatro Principal de Santiago de Compostela acollerá a nosa cita anual coa cultura e a solidariedade. Artistas do mundo da música, danza, teatro e literatura daranse cita o domingo 8 de xaneiro, ás oito e media da tarde, para participar na séptima edición do 'Implícate! Noite de música e palabra solidaria', organizado por Implicadas/os no Desenvolvemento e presentado por Yolanda Castaño e Luís Tosar.

Debido á falta de patrocinios públicos Implicadas/os no Desenvolvemento busca doazóns para pagar os carteis e o equipo técnico do festival Implícate! Dispoñemos de 26 dias para recaudar a cantidade necesaria para a organización do festival. Fai a túa doazón!

Consulta o cartel do Implícate e toda a información da campaña de crowdfunding na nosa páxina web: www.implicadas.com

Acércate ao Mercanatura, en A Coruña

2011-12-14T16:12:00.000+01:00

O vindeiro 17 de decembro, sábado, e en horario de 10:30 a 14:30h., Implicadas no Desenvolvemento estará presente no Mercanatura, vendendo os seus produtos (bolsas ecolóxicas, cadernos de papel reciclado, camisetas de comercio xusto…) para así poder recadar fondos para seguir adiante e apoiar os proxectos que están en marcha na India, concretamente o de Erradicación do Infanticidio Feminino en Salem.

>> Enlace á web do Mercanatura.

Cea solidaria de Nadal de Implicadas/ no Desenvolvemento

2011-12-10T13:49:00.000+01:00

Lugar: Santiago de Compostela. Restaurante Casal do Cabildo (Rúa San Pedro, nº18)

Data: 17/12/2011

Hora: 22:00H

Organización: A cea será un momento de compartir, de lecer, pero cun carácter solidario, xa que 5€ do custo da cea irán destinados ao noso proxecto de cooperación “Erradicación do infanticidio feminino en Salem”.

Para quen: A cea de Nadal que organiza Implicadas/os no Desenvolvemento estará aberta ao voluntariado, ás socias/os da organización e a todas aquelas persoas colaboradoras, amigas ou interesadas en compartir e estreitar lazos coa organización.

Prezo: 25€.

Como apuntarse: As persoas interesadas deberán ingresar 25€ na conta de Implicadas (NOVA GALICIA Banco: 2080 0531 11 3040010798) indicando o seu nome e o concepto “cea de Nadal”. Posteriormente deberán enviar un correo electrónico a secretaria@implicadas.com entre o 9 de decembro e o 15 de decembro ás 16:00 horas, no que apareza o nome e axuntando o xustificante bancario de ter ingresado os 25€ na conta de Implicadas. Así mesmo deberán indicar cal é o menú escollido, e dentro deste, cal é o segundo prato elexido.

Cuberto 0: As persoas que non poidan asistir ao convivio pero que queiran contribuír coa recadación, terán a oportunidade de participar ingresando 5€ na conta de Implicadas indicando como concepto “cuberto 0”.

Outros: Na cea haberá sorpresas que amenizarán a velada (sorteo axenda 2012, libro, camiseta): Haberá opción a mercar a AXENDA 2012.

Menú:

MENÚ "OMNÍVORO"

Primeiros pratos:

- Lacón frío en lonchas

- Tostas

- Revolto de setas con gambas

Segundos pratos (escoller un)

- Pescada con ameixas

- Carrilleiras de ibérico estofadas

Postre

Bebidas: viño mencía e godello, auga, refrescos

Café

Chupitos

MENÚ VEGANO

Primeiros pratos:

- Ensalada

- Tosta de verduras

- Salteado de allos tenros e verduriñas con mollo de solla

Segundos pratos (a escoller un):

- Rissoto de setas

- Tallaríns con verduras

Postre

Bebidas: viño mencía e godello, auga, refrescos

Café

Chupitos

Apuntádevos á cea e vide compartir un momento de lecer con Implicadas!

Aquí está a Axenda do Desenvolvemento 2012!

2011-12-10T13:41:00.001+01:00

Xa andabades a preguntar por ela e aquí está: a nosa Axenda do Desenvolvemento 2012. Tan solidaria, fermosa e ecolóxica coma sempre.

A portada da Axenda é unha ilustración de Iván Sende e forma parte da exposición “Os meus ollos, as túas mans”, que pretende plasmar a visión da cooperación a través dos ollos do noso voluntariado e das mans de ilustradores e ilustradoras galegas.

A axenda está feita en papel reciclado, deseñada, maquetada e impresa por galeg@s, é pequeniña e manexable. Que máis lle podedes pedir? Pois non lle pidades nada á axenda e pedídenos a nós a vosa antes de que quededes sen ela!

O prezo da Axenda 2012 é de 10 euros, que van destinados a financiar os nosos proxectos.

Xa podedes encargala por correo electrónico (info@implicadas.com) ou por teléfono (886111911). A partir da semana que vén atoparédela nunha chea de puntos de venda (que anunciaremos neste blog).

'O son das buguinas' exponse na Coruña ata mediados de xaneiro de 2012

2011-12-07T19:18:00.001+01:00

A Casa Museo Casares Quiroga acollerá a exposición do 9 de decembro ao 15 de xaneiro

Implicadas no Desenvolvemento terá exposta na Casa Museo Casares Quiroga (R/ Panaderas nº 12, A Coruña) dende o 9 de decembro de 2011 ata o 15 de xaneiro de 2012 unha exposición fotográfica e informativa sobre a Tsunami (catástrofe ocurrida o 26 de decembro de 2004 no sueste asiático, concretamente na rexión de Tamil Nadu e onde Implicadas xa estaba traballando xunto coa súa contraparte da India, PDI). Esta exposición responde ao título O son das buginas, e conta con fotos de Paco Vila Barros, ilustracións de Xulia Barros e textos de María Reimóndez. a inauguración da exposición celebrarase o sábado 10 de decembro ás 12:00 horas.

Os horarios da Casa Museo Casares Quiroga para visitar a exposición O son das buguinas son:

-De martes a sábado: de 11.00 a 14.00 h e de 18.00 a 21.00 h.

-Domingos e festivos: de 11.00 a 14.00 h.

Implicadas no Desenvolvemento estará presente no Culturgal, que se celebra en Pontevedra

2011-12-01T12:27:00.002+01:00

O CULTURGAL, Feira das Industrias Culturais, acollerá nesta edición 2011, como xa ocorrera no 2010, á ONG Implicadas no Desenvolvemento, que non podía faltar nun evento capaz de congregar a dispares gremios da cultura galega como a literatura, creación audiovisual, deseño, novas tecnoloxías ou música, entre outros.

O evento terá lugar no Pazo da Cultura de Pontevedra (Rúa Alexandre Bóveda s/n, Pontevedra). O evento, que se desenvolverá os días 2, 3 e 4 de decembro (con horario de 11:00 a 14:30 e de 16:30 a 21:30 o venres e o sábado, e de 11:00 a 14:30 e 16:30 a 20:30 o domingo) visibilizará a forza e cohesión do mundo cultural galego dende diversas perspectivas, incluíndo a acción social , cooperación e sensibilización.

Implicadas repartirá información sobre a súa actividade, o traballo que desenvolve dende fai xa 13 anos e a campaña 1 de 200, que dende o mes de outubro pretende sensibilizar á poboación sobre a problemática do infanticidio feminino, fomentando a conciencia crítica entre a poboación e chamando á acción.

Implicadas, no Congreso Estatal de Voluntariado

2011-11-28T20:49:00.001+01:00

Implicadas no Desenvolvemento estará presente nesta nova edición do Congreso Estatal de Voluntariado, que terá lugar por primeira vez na comunidade galega, concretamente no Pazo de Exposicións e Congresos da cidade de A Coruña (PALEXCO), os días 29, 30 de novembro e 1 de decembro. O Congreso, que contará cun programa de sesións plenarias acompañado por presentacións de comunicacións e diferentes actividades lúdicas e solidarias, pretende achegar o mundo do voluntariado a todos os asistentes.

Implicadas no Desenvolvemento estará presente neste Congreso non só como oínte, se non que contará cun stand propio no que @s interesad@s poderán atopar, ademais de toda a información sobre a organización e o seu traballo, produtos á venda (bolsas ecolóxicas, cadernos de papel reciclado, camisetas de comercio xusto…), para así poder recadar fondos para seguir adiante e apoiar os proxectos que están en marcha na India, concretamente o de Erradicación do Infanticidio Feminino en Salem.

Máis información sobre a campaña vixente 1de200 en www.200implicadas.com.

Comunicado de Implicadas sobre o Día Internacional de loita contra a violencia de Xénero

2011-11-24T13:15:00.001+01:00

Un ano máis é o que hai que sumar á loita contra a violencia de xénero e un ano máis somos mulleres e homes de todo o mundo que nos mobilizamos neste 25 de novembro para non esquecermos tan terríbel mostra de desigualdade, aínda presente en tódalas sociedades.
Le o comunicado completo na nosa páxina web: www.implicadas.com

Implicadas, de novo en Mercanatura (A Coruña)

2011-11-23T13:08:00.001+01:00

O vindeiro 26 de novembro, sábado, e en horario de 10:30 a 14:30h., Implicadas no Desenvolvemento estará presente no Mercanatura, vendendo os seus produtos (bolsas ecolóxicas, cadernos de papel reciclado, camisetas de comercio xusto…) para así poder recadar fondos para seguir adiante e apoiar os proxectos que están en marcha na India, concretamente o de Erradicación do Infanticidio Feminino en Salem. A cita será nos soportais da Rúa Alcalde Suárez Ferrín, entre os números 13 e 16 (Barrio Los Rosales), en A Coruña.

O proxecto Mercanatura (consistente nun mercado de rúa que contén produtos ecolóxicos, naturais e artesanais) naceu no mes de decembro de 2009, e dende entón celébrase cada 2º e 4º sábado de cada mes. Trátase dunha iniciativa da Asociación de Veciñ@s dos Rosales, en colaboración coas Concellerías de Promoción Económica e de Igualdade e Participación Cidadá do Concello de A Coruña.

Máis información sobre a campaña vixente 1de200 en www.200implicadas.com.

Todos os puntos de venda dos cadernos de Implicadas

2011-11-22T21:09:00.005+01:00

Como sabedes, Implicadas/os No Desenvolvemente ten á venda uns cadernos ben xeitosos que están tendo moi boa acollida entre o público. En calquera acto de rúa, na mesma oficina en Vigo e noutras actividades que se están a facer por toda Galicia poderédelos conseguir.

Pero tamén están á venda nos seguintes puntos de venda:

- Bar A Repichoca (A Coruña)

- Froitería Pascua (Monterroso)

- CEIP Valle – Inclán (Oleiros)

- Parque infantil Cocoloco (O Burgo)

- Libraría Trama (Lugo)

- Xoaniña (Lugo)

- A Cova da Terra (Lugo)

- Libraria D`Papel (Monterroso)

- Ferreteria Pascua (Monterroso

Hai catro modelos, elixe o que máis che guste. Son só 5 € que nos axudarán a financiar o noso proxecto para a erradicación do infanticidio feminino en Salem (India).

O 25 celebrarase un club de lectura en Ourense

2011-11-21T17:28:00.002+01:00

O vindeiro venres 25 de novembro celebrarase o Club de Lectura de Ourense coa presenza da escritora Chus Pato. Ás 20:00h na Biblioteca Nodal.

A obra que se analizará é Secesión. Non perdades esta oportunidade!

Implicadas, no Cumio Mundial do Microcrédito en Valladolid

2011-11-16T12:33:00.005+01:00

Esta semana estase a celebrar na cidade de Valladolid o V Cumio Mundial do Microcrédito. Implicadas/os no Desenvolvemento non quixemos faltar a esta importantísima cita e enviamos a dúas delegadas da ONG, Blanca Rodríguez e Lorena Arévalo, que nos aportarán as súas impresións a través de dúas crónicas sobre as xornadas do cumio.

>> A primeira crónica titúlase: "O sector do microcrédito alónxase dos ideais de empoderamento e desenvolvemento cos que xurdiu".

>> A segunda crónica é: Resumo do Cumio Mundial do Microcrédito de Valladolid.

Podedes ler as crónicas completas na nosa web www.implicadas.com.

Últimos exemplares de obras literarias en galego a 5 euros

2011-11-15T20:11:00.002+01:00

O pasado mes de agosto Implicadas/os No Desenvolvemento puxo á venda libros da súa biblioteca para recadar fondos para o proxecto de Erradicación do Infanticidio Feminino en Salem (India). A acción tivo unha gran acollida entre o público polo que publicamos de novo o listado de obras actualizado co número de exemplares dispoñibles.

Lembramos que os títulos, escritos ou traducidos en galego, están en estado seminovo ou sen estrear e o seu prezo é de 5 euros/exemplar.

Os libros que quedan dos 85 postos á venda dende o verán son:

TÍTULO	AUTOR/A	UNIDADES DISPOÑIBLES
*A Cabeza de Medusa*	Marilar Aleixandre	1
*A crise irreductible*	Alberte Momán	0
*A filla do filósofo*	Elena Poniatowska	3
*A neve e a cadeira*	Xosé Miranda	1
*Ancho mar de argazo*	Jean Rhys	2
*Así nacen as baleas*	Anxos Sumai	0
*Calella sen saída*	Víctor Omgbá	0
*Cerco de ferro*	Daría Xohán Cabana	2
*Como se non existise*	Slavenka Drakulic	1
*Ningúen está só*	VV.AA. Amnistía Internacional	0
*O club da calceta*	María Reimóndez	4
*O concertista de paxaros*	Josep-Francesc Delgado	3
*O paxado do mel*	Adolfo Caamaño	3
*Pirata*	María Reimóndez	0
*Se algún día esta muller morta*	Miguel Sande	0
*Silencio*	Francisco Alonso	1
Smara	Paula Carballeira	0
Tres mulleres galegas de armas tomar	Guillermina Domínguez Touriño, Felicia Estévez Salazar	0
*Un escuro rumor tralo silencio*	Isidro Novo	4
Vestio	Xosé Miranda	1
A voda	Carson McCullers	2
*Usha*	María Reimóndez	2

Se estás interesada/o en mercar algunha destas obras podes visitar o noso local situado en Avenida das Camelias, 49 interior - 36211 Vigo (Pontevedra) ou contactar con nós a través das seguintes canles: 886 111 911 – 606 315 071 ou info@implicadas.com.

Máis información do proxecto de Erradicación do Infanticidio Femininio en Salem (India) na páxina http://200implicadas.com/

Implicadas, no Mercanatura (A Coruña)

2011-10-18T20:11:00.000+02:00

O vindeiro sábado, 22 de outubro, e en horario de 10:30 a 14:30h., Implicadas no Desenvolvemento estará presente no Mercanatura, vendendo os seus produtos (bolsas ecolóxicas, cadernos de papel reciclado, camisetas de comercio xusto…) para así e así poder recadar fondos para seguir adiante e apoiar os proxectos que están en marcha na India, concretamente o de Erradicación do Infanticidio Feminino en Salem. A cita será nos soportais da Rúa Alcalde Suárez Ferrín, entre os números 13 e 16 (Barrio Los Rosales), en A Coruña.

Máis información sobre a campaña vixente 1de200 en www.200implicadas.com.

Cafés Feministas, novo Club de Lectura do Centro de Documentación feminista en Vigo

2011-10-04T13:27:00.000+02:00

Implicadas/os no Desenvolvemento participará o mércores 5 de outubro, ás 18:00 horas, na presentación do club de lectura "Cafés Feministas" impulsado polo Centro de Documentación e Recursos Feministas de Vigo, situado na Biblioteca Pública Central (R/ Joaquín Yañez, 6-2º andar). Comeza así a iniciativa "Cafes Feministas", que, ata o vindeiro mes de novembro, traballará coas obras Viajeras intrépidas y aventureras, de Cristina Morató, e La Biblia envenenada, de Bárbara Kingsolver. Para máis información chamar ao Centro de Documentación e Recursos Feministas 986 229 074.

Implicadas coorganizará con esta institución o tradicional club de lectura solidario na cidade de Vigo a partires do mes de xaneiro, e do que informaremos debidamente e en profundidade unha vez que a programación estea elaborada. Nesta primeira presentación oficial dos clubs de lectura quedará reflectida a relación de colaboración entre Implicadas no Desenvolvemento e o Centro de Documentación e Recursos feministas para realizar dita actividade.

A exposición "O son das buguinas", no castelo de Santa Cruz en Oleiros

2011-09-28T12:50:00.000+02:00

Durante todo o mes de outubro poderedes visitar no CEIDA (Centro de Extensión Universitaria e Divulgación Ambiental de Galicia) a exposición “O son das buguinas”. Esta exposición versa sobre a tsunami que asolou o surleste asiático no ano 2004. Dita exposición conta con fotos de Paco Vila Barros, ilustracións de Xulia Barros e textos de María Reimóndez e céntrase no distrito de Karaikal, na India, lugar onde Implicadas No Desenvolvemento naquel momento emprendeu un proxecto de axuda humanitaria de emerxencia que derivou nun proxecto de desenvolvemento.

Non deixedes pasar a oportunidade e acercádevos ata o Castelo de Santa Cruz (Oleiros) para visitala, e de paso tamén podedes mercar o libro que leva o seu mesmo nome ou calquera outro dos nosos productos (cadernos, bolsas ecolóxicas, camisetas…) que estarán expostos durante todo este mes nas vitrinas do Castelo.

Gran acollida da venda de libros da biblioteca de Implicadas!

2011-09-20T14:06:00.001+02:00

A iniciativa de Implicadas/os No Desenvolvemento de pór á venda libros da súa biblioteca para recadar fondos para o proxecto de Erradicación do Infanticidio Feminino en Salem (India) está tendo unha boa acollida entre as galegas/os. Así, durante o mes de agosto vendéronse casi 30 exemplares dos 85 postos á venda.

Os títulos, escritos ou traducidos en galego, están en estado seminovo ou sen estrear e as persoas interesadas pódenos mercas a 5 euros/exemplar. Ente as obras á venda atópanse: 'Cabeza de Medusa', de Marilar Aleixandre; 'Pirata', de María Reimóndez; 'O paxaro do mel', de Adolfo Caamaño, ou 'A filla do filósofo', de Elena Poniatowska.

A continuación publicamos o listado de obras á venda co número de exemplares dispoñibles:

TÍTULO	AUTOR/A	UNIDADES DISPOÑIBLES
*A Cabeza de Medusa*	Marilar Aleixandre	3
*A crise irreductible*	Alberte Momán	1
*A filla do filósofo*	Elena Poniatowska	6
*A neve e a cadeira*	Xosé Miranda	1
*Ancho mar de argazo*	Jean Rhys	2
*Así nacen as baleas*	Anxos Sumai	1
*Calella sen saída*	Víctor Omgbá	3
*Cerco de ferro*	Daría Xohán Cabana	2
*Como se non existise*	Slavenka Drakulic	2
*Ningúen está só*	VV.AA. Amnistía Internacional	0
*O club da calceta*	María Reimóndez	1
*O concertista de paxaros*	Josep-Francesc Delgado	4
*O paxado do mel*	Adolfo Caamaño	4
*Pirata*	María Reimóndez	8
*Se algún día esta muller morta*	Miguel Sande	3
*Silencio*	Francisco Alonso	1
Smara	Paula Carballeira	1
Tres mulleres galegas de armas tomar	Guillermina Domínguez Touriño, Felicia Estévez Salazar	2
*Un escuro rumor tralo silencio*	Isidro Novo	4
Vestio	Xosé Miranda	2
A voda	Carson McCullers	3
*Usha*	María Reimóndez	4

Máis información do proxecto de Erradicación do Infanticidio Femininio en Salem (India) na páxina http://200implicadas.com/

Implicadas alíase co deporte galego

2011-09-06T20:54:00.000+02:00

Implicadas/os No Desenvolvemento aposta polo deporte galego e por iso vén establecendo diferentes acordos con entidades deportivas de todos os recunchos de Galicia co fin de difundir o seu labor e incrementar a participación das/os deportistas e as súas seguidoras e seguidores en actividades de sensibilización da ONG.

As alianzas establecidas materialízanse na colaboración de Implicadas e cada organización deportiva na difusión de actividades deportivas e da ONG, así como na mobilización de comunidades virtuais, asistencia a actos deportivos, publicidade de campañas de sensibilización, intercambio de links, patrocinio de Implicadas nas equipacións, etcétera.

Ata o de agora Implicadas xa estableceu alianzas coas seguintes organizacións:

ORGANIZACIÓN	LUGAR
Club Natación Ferrol	Ferrol (A Coruña)
Orzán Sociedad Deportiva	A Coruña
Comesaña Sporting Club (Atletismo)	Vigo (Pontevedra)
C.D. Burela Fútbol Sala	Burela (Lugo)
Club Quixós (Piragüismo)	Monforte (Lugo)
Comarcal A Fervenza FSF	Ferrolterra (A Coruña)
Club Náutico O Muíño	Ribadumia (Pontevedra)
Club Ciclista Cambre	Cambre (A Coruña)
Club Arco Adarve	Carral (A Coruña)
Club de Fútbol San Roque Casablanca	Vigo (Pontevedra)
Asociación Compostela Esgrima	Santiago (A Coruña)
Club Ciclista Ferrol	Ferrol (A Coruña)
Club Ximnasia Pontevedra-Burgas Ourense	Pontevedra
Club Triatlón Coruña	A Coruña

Implicadas/os No Desenvolvemento traballa na sensibilización da cidadanía, nas accións de presión política e na visibilización da situación das mulleres dos países en vías de desenvolvemento. Por este motivo abre portas á participación da cidadanía a través do voluntariado e do apoio a campañas de sensibilización por parte de diferentes organizacións, como son as deportivas.

Nos seguintes enlaces podedes consultar información sobre a colaboración de Implicadas/os No Desenvolvemento con algunhas das organizacións deportivas mencionadas no cadro:

>> O Club Natación de Ferrol e "Implicadas no desenvolvemento", unidas polo deporte

>> VIDE, sede da presentación do apoio do Casablanca á ONG viguesa Implicadas

Dende Implicadas agradecemos a todas as asociacións deportivas a súa colaboración e animamos a outras a compartir experiencias e actividades.

Implicadas/os No Desenvolvemento pon á venda libros da súa biblioteca para recadar fondos para o Proxecto de Erradicación do Infanticidio Feminino en Salem (India)

2011-08-09T13:27:00.002+02:00

A maioría dos títulos, escritos ou traducidos en galego, están sen estrear e ofrécense á metade do prezo de mercado.

Dentro das iniciativas que Implicadas/os No Desenvolvemento está levando a cabo para financiar o Proxecto de Erradicación do Infanticidio Feminino en Salem (India) inclúese esta nova acción que consiste en ofrecer ao público en xeral obras da súa biblioteca a prezos reducidos. Os títulos, escritos ou traducidos en galego, están en estado seminovo ou sen estrear e as persoas interesadas pódenos mercar a 5 euros/exemplar.

As obras á venda son:

TÍTULO	AUTOR/A	EDITORIAL	ANO DE PUBLICACIÓN	UNIDADES DISPOÑIBLES	PREZO
A Cabeza de Medusa	Marilar Aleixandre	Xerais	2008	7	5 €
A crise irreductible	Alberte Momán	Lulu.com	2009	2	5 €
A filla do filósofo	Elena Poniatowska	Galaxia	2009	7	5 €
A neve e a cadeira	Xosé Miranda	Nigra	1995	1	5 €
Ancho mar de argazo	Jean Rhys	Xerais	2007	4	5 €
Así nacen as baleas	Anxos Sumai	Galaxia	2007	3	5 €
Calella sen saída	Víctor Omgbá	Galaxia	2001	4	5 €
Cerco de ferro	Daría Xohán Cabana	Nigra	1995	2	5 €
Como se non existise	Slavenka Drakulic	Xerais	2005	4	5 €
Ningúen está só	VV.AA. Amnistía Internacional	Tristram	2001	1	5 €
O club da calceta	María Reimóndez	Xerais	2006	4	5 €
O concertista de paxaros	Josep-Francesc Delgado	Tambre	2006	4	5 €
O paxado do mel	Adolfo Caamaño	Xerais	2006	5	5 €
Pirata	María Reimóndez	Xerais	2009	9	5 €
Se algún día esta muller morta	Miguel Sande	Galaxia	2006	3	5 €
Silencio	Francisco Alonso	Nigra	1995	2	5 €
Smara	Paula Carballeira	Kalandraka	2006	3	5 €
Tres mulleres galegas de armas tomar	Guillermina Domínguez Touriño, Felicia Estévez Salazar	Baia Edicións	2009	6	5 €
Un escuro rumor tralo silencio	Isidro Novo	Sotelo Blanco	2005	5	5 €
Vestio	Xosé Miranda	Nigra	1995	2	5 €

A voda

Carson McCullers

Xerais

1946

5 €

Usha

María Reimóndez

Xerais

2006

5 €

Máis información do proxecto de Erradicación do Infanticidio Femininio en Salem (India) na páxina http://200implicadas.com/

Sorteo dun lote de libros entre as persoas que se asocien a Implicadas durante o verán

2011-07-18T10:17:00.000+02:00

Despois de varios meses xa chegamos a 91 de 200 socias! Pero seguimos traballando para lograr o noso obxectivo de chegar a 200 socias/os.

Este verán queremos chegar a 100 de 200! Por iso animamos a todas as persoas interesadas en colaborar con Implicadas No Desenvolvemento que se fagan socias/os en xullo, agosto e setembro porque entrarán no sorteo dun lote de libros.

Os títulos a sorteo son:

"O son das buguinas". É un libro e CD de relatos promovido por Implicadas/os no Desenvolvemento sobre a tsunami que asolou o surleste asiático no ano 2004. Autoras/es: Marilar Aleixandre; An Alfaya; Fran Alonso; Rosa Aneiros; Agustín Fernández Paz; María Reimóndez; Dolores Ruíz; Xulia Barros (Ilus.).

"Vanakkam/Benvidas". É un libro e CD, promovido por Implicadas/os no Desenvolvemento, que recolle poemas de autoras tamiles (Andal, Kutti Revathi, Malathi Maithri, Salma e Sukirtharani) e galegas (Marilar Aleixandre, Yolanda Castaño, Marta Dacosta, María do Carme Kruckenberg, Yolanda López, Chus Pato e María Reimóndez).

"Un escuro rumor tralo silencio", de Isidro Novo. É unha novela de ciencia-ficción de corte futurista na que se narra unha catástrofe ecolóxica desencadeada pola ambición humana nunha bisbarra do noroeste da Península Ibérica (Clunia Vella) a finais do século XXI.

"A Cabeza de Medusa", de Marilar Aleixandre. Unha festa de disfraces acaba de madrugada nun camiño afastado onde Sofía e Lupe son violadas. Durante os días que seguen descubrirán que, como a Medusa, moitos non se atreven a miralas en fite. Son elas quen deben avergoñarse? Iso non ocorrería se non levasen minisaia? É mellor non denunciar, non procurar complicacións? Inspirada no mito de Medusa, castigada despois de ser violada a levar serpes por cabeleira.

"O paxaro do mel", de Adolfo Caamaño. Unha extraordinaria e engaiolante novela de aventuras, ambientada na Abisinia ocupada polos italianos a finais do século XIX.

O sorteo deste lote de libros entre as pesoas que se asocien a Implicadas dende a publicación desta nota ata setembro levarase a cabo a primeira semana de outubro de 2011. O resultado do sorteo publicarase no noso Facebook e tamén no noso blog www.implicadas.blogspot.com

Asóciate a Implicadas e consegue 5 títulos que che farán reflexionar!

Os cadernos de Implicadas á venda en Lugo

2011-07-18T10:10:00.002+02:00

Os cadernos de Implicadas/os no Desenvolvemento xa están á venda en varios

locais de Lugo:

>> Libraria Trama. Avenida da Coruña, 21. Lugo

>> A Cova da Terra. Rúa das Noreas, 12. Lugo

>> Xoaniña. O Bo Xesús, 6. Lugo

>> Libraría D`Papel, en Monterroso.


Hai catro modelos, elixe o que máis che guste. Son só 5 € que nos axudarán a

financiar o noso proxecto para a erradicación do infanticidio feminino en Salem

(India).

¡Estreamos nova web!

2011-07-13T11:22:00.001+02:00

Acabamos de facer un completo redeseño da nosa web co obxectivo de ofrecer un espazo máis actual, práctico, útil, e sobre todo, o entorno idóneo onde ofrecer toda a información sobre os proxectos e actividades de Implicadas/os No Desenvolvemento.

Esta nova web inclúe numerosas novidades e melloras tanto no deseño como na navegación e contidos que se resumen en:

Imaxe totalmente renovada: reforzase o uso de iconas e ilustracións e ofrecemos unha nova disposición da información para facilitar a consulta dos contidos de maneira áxil e fluída.

Maior usabilidade: a estruturación das seccións evoluciona e simplifícase para facilitar o acceso ás seccións máis habituais, agora ampliadas e renovadas.

Novos contidos e participación: reforzamos os contidos de actualidade a través da Axenda de eventos, tedes acceso directo as nosas contas nas redes sociais e ao noso blog, onde se publican todas as novas de Implicadas.

En resumo, mellor imaxe pero as mesmas actividades e o mesmo ideario: A cooperación ao desenvolvemento comeza cambiando as estruturas de explotación entre o Norte e o Sur e entre homes e mulleres.

Convidámosvos a navegar pola nosa nova web e a familiarizarvos con todas as melloras que poñemos á vosa disposición: www.implicadas.com

IMPLICADAS NOS TORNEOS DEPORTIVOS

2011-07-06T10:51:00.000+02:00

Xa vos viñamos dicindo que diferentes entes deportivos estaban a colaborar con nós reflexando nas súas canles de comunicación as nosas imaxes e ligazóns (www.200implicadas.com, http://www.implicadas.com/libro1de200) para axudarnos a facer difusión da campaña 1 de 200 que Implicadas ten en marcha dende o pasado outubro. Pois ben, chegados a este momento temos que anunciarvos que durante o mes de xullo haberá máis implicación por parte dalgúns clubs.

Concretamente, o día 2 de xullo Implicadas estivo presente cunha mesa de información no Complexo Deportivo de Samil, xa que o Club de fútbol San Roque Casablanca púxolle punto final ao Torneo Armando Cajaraville o cal se celebrou dende o pasado sábado 25 de xuño e durante o cal Implicadas estivo presente xa durante todo este tempo a través dunha pancarta que ondeaba no terreo de xogo.

Esta semana, dende o día 4 ata o 10 de xullo, celébrase outro importante torneo de fútbol base en Vigo, o chamado Vigo Cup, da man da Fundación VIDE e a pesar de que a estas alturas non podemos concretar que día nin en que campo de xogo estaremos, si dicirvos que se vos animades a ir de seguro que nos atoparedes.

E para rematar, o 23 de xullo a partir das 16:00h estaremos na Área da piscina municipal en Boimorto no Torneo I Memorial Antonio Ares de tiro con arco organizado polo Club Adarve.

Seguiremos informándovos e esperamos vervos nalgún deles.

O CEIP I. PARGA PONDAL FAI A SÚA DOAZÓN

2011-06-29T16:12:00.000+02:00

A semana pasada invitáronnos a visitar unha clase de educación infantil do CEIP Isidro Parga Pondal en Santa Cruz (Oleiros) e tivemos a oportunidade de iniciar xuntos unha viaxe facendo un percorrido polas terras, templos, costumes… de Tamil Nadu, ademais de explicarlles que é unha ONG, quen é Implicadas No Desenvolvemento e falarlles sobre a campaña 1 de 200.
Ao remate da viaxe tíñannos unha sorpresa! Recollemos unha doazón que as crianzas de 4 anos e a súa mestra tiñan para nós. Pois, durante un tempo estiveron traballando nun proxecto que versaba sobre as productoras audiovisuais e ata chegaron a crear unha serie de debuxos animados propia. Para promocionala fixeron un mercadillo no cal vendían obxectos feitos tamén por el@s mesm@s. Intrínseco a este proxecto estaba presente a educación en valores e como non, fomentar entre o alumnado un consumo responsable e aprender a compartir cos demais. Por iso mesmo, porque querían compartir a súa recadación se puxeron en contacto con Implicadas para darnos unha parte das ganancias e desta forma ser partícipes na loita da erradicación do infanticidio feminino en Salem (India).

Moitas grazas a toda a clase de 4 anos de educación infantil e á súa mestra, Alicia. Foi un pracer estar esa mañán con vós.

Oxalá nos vexamos o próximo curso.

Amplíase a matrícula para o I Curso de Inglés para a Cooperación

2011-06-21T20:58:00.002+02:00

Aínda quedan prazas dispoñibles no noso Curso de Inglés para a Cooperación, que se celebrará no laboratorio de idiomas da facultade de Filoloxía e Tradución de Vigo (Campus de Lagoas-Marcosende) do 27 de xuño ao 1 de xullo, en horario de 16.00h a 20.00h.

O prazo de matrícula queda, xaquelogo, ampliado ata este venres día 24. Non deixes pasar a oportunidade! Ponte en contacto con nós o antes posible por teléfono (886 111 911) ou por correo electrónico info@implicadas.com.

"Os meus ollos, as túas mans" repite en Compostela!

2011-06-21T12:09:00.004+02:00

A exposición "Os meus ollos, as túas mans" regresa a Santiago, onde xa está preparada para que tod@s poidades visitala no 3º andar da Biblioteca Ánxel Casal.

Este traballo xurdiu da colaboración entre o voluntariado de Implicadas e diversas ilustradoras e ilustradores e amosa a súa visión sobre o traballo de cooperación en Implicadas.

A exposición estará a vosa disposición ata o 5 de xullo. Non perdades a oportunidade de disfrutala!

O apoio por parte do deporte galego con Implicadas, segue!

2011-06-16T17:16:00.001+02:00

Hai uns meses comezamos a contactar con asociacións e clubs de distintas modalidades deportivas existentes en Galicia e os resultados de aceptación e apoio ao traballo de Implicadas vanse reflexando co paso do tempo.

Esta vez a esgrima, concretamente a Asociación Compostela Esgrima, tamén quixo ser partícipe e mostrarnos o seu apoio. Aínda que non podemos olvidarnos tampouco de nomear ao Club Ximnasia Pontevedra, nin a O Comarcal A Fervenza FSF, outro equipo de fútbol sala feminino que se suma a esta campaña, 1 de 200!

Queremos agradecervos este xesto e esperamos que esta andaina que acabamos de comezar con cada unha de vós sexa longa e proveitosa.

Aquí vos deixamos as súas ligazóns para que vexades onde se reflexa Implicadas dende xa fai uns días:

- http://compostelaesgrima.com/index.php/ligazons/outras?start=3

- http://www.ximnasiapontevedra.com

- www.afervenzafsf.tk

Isto ten que seguir medrando así que se te apuntas, fáinolo saber!

Implicadas agarda por ti!

ATENCIÓN: CAMBIO DE HORARIO DO CURSO DE INGLÉS PARA A COOPERACIÓN

2011-06-16T15:04:00.001+02:00

Para facilitar a participación no noso Curso de inglés para a Cooperación ao Desenvolvemento, cambiamos o seu horario á tarde, polo que as datas (que non cambian e os horarios serán os seguintes: o 27 xuño ao 1 de xullo, en horario de 16:00 a 20:00h. As clases serán no laboratorio de idiomas da Facultade de Filoloxía e Tradución da Universidade de Vigo (Campus de Lagoas-Marcosende).

Non deixedes pasar esta oportunidade formativa única en Galicia. Aínda quedan prazas dispoñibles!

A Rede Galega de Empresas "Cambia de papel"

2011-06-09T21:49:00.001+02:00

A Rede Galega de Empresas será parte activa no lanzamento da campaña de Implicadas Cambia de Papel, un proxecto innovador no mundo da cooperación galega ao desenvolvemento en tanto que a colaboración entre ONGDs e empresas é aínda unha realidade pouco explotada na nosa terra (e do que de seguro falaremos máis polo miúdo moi pronto). Ambas entidades pretenden que esta sexa unha iniciativa pioneira e de referencia no establecemento de sinerxías e pontes de contacto e colaboración estable entre ONGDs e empresas, facilitando que o sector empresarial galego tome parte na defensa de valores como a xustiza e a igualdade.

O pasado mes de maio, Implicadas solicitou á Rede Galega de Empresas unha xuntanza para falar e intercambiar opinións acerca das posibles formas de colaboración existentes entre o sector empresarial e o das ONGDs. Este interese por parte de Implicadas xurdiu como consecuencia da visible aposta pola unión entre actividade, cultura e solidariedade que a Rede Galega de Empresas realiza dende fai tempo.

Entre as actividades e colaboracións previstas destacan o feito de que a Rede Galega de Empresas difundirá a información sobre as campañas, proxectos e actividades de Implicadas a través da súa páxina web, ambas entidades co-coordinarán un curso de formación sobre cooperación ao desenvolvemento para o persoal das empresas que forman parte da Rede e, neste mesmo marco de intercambio, ambas entidades programan ampliar esta colaboración, se fose posible, mediante un programa de internacionalización empresarial en Támil Nadu (India), estado no que, como sabedes, Implicadas desenvolve os seus proxectos.

Ambas entidades, Rede Galega de Empresas e Implicadas no Desenvolvemento, pretenden deste xeito fomentar a colaboración entre ONGDs e o colectivo empresarial galego para apuntalar a continuidade e estabilidade da cooperación galega.

N. Manimekalai en Altermundo!!

2011-06-09T21:44:00.001+02:00

Lembrades a visita de N. Manimekalai a Vigo con motivo da celebración da I Escola Feminista Implicadas no Desenvolvemento, o pasado mes de abril? Pois para tod@s @s que non puidéchedes asistir e quedáchedes con ganas de coñecer a Manimekalai e aprender máis sobre cooperación e feminismos na India (e para tod@s @s que si estivéchedes presentes, pero quedáchedes con ganas de máis), Altermundo publica no seu último número unha entrevista en profundidade, na que Manimekalai fala “da colonización, o capitalismo e o patriarcado que tratan de invisibilizar o traballo feminista”.

Podedes acceder á entrevista por medio de este enlace: http://www.altermundo.org/n-manimekalai-%E2%80%9Ca-colonizacion-o-capitalismo-e-o-patriarcado-tratan-de-invisibilizar-o-traballo-feminista%E2%80%9D/

Non a perdades!

IMPLICADAS NO DESENVOLVEMENTO ORGANIZA O I CURSO DE INGLÉS PARA A COOPERACIÓN AO DESENVOLVEMENTO

2011-06-09T12:09:00.002+02:00

No mundo da cooperación ao desenvolvemento o inglés resulta moitas veces non só necesario, senón imprescindible, tanto para o traballo no terreo, como para as relacións coas contrapartes ou incrementar as nosas posibilidades formativas no estranxeiro, participación en congresos e cumios, etc. Sen embargo, na actualidade, non dispoñemos en Galicia de ningún curso axeitado para as necesidades específicas da cooperación. A iniciativa do Curso de Inglés para a Cooperación ao Desenvolvemento de Implicadas nace co obxectivo de cubrir esa carencia formativa. O curso está destinado a persoas con coñecementos previos de inglés interesadas en melloralos, centrándose en especial no mundo da cooperación ao desenvolvemento.

METODOLOXÍA
As sesións incluirán teoría e, fundamentalmente, práctica. O inglés será a lingua de comunicación nas clases. Os contidos do curso serán os seguintes:

As linguas non traban: como perderlle medo a falalas.
Presentacións en público.
Vocabulario avanzado sobre desenvolvemento, xénero, cooperación, etc.
A comunicación coas contrapartes: redacción de cartas, correos electrónicos, conversas por teléfono, Internet, etc.
Familiarización con informes de proxectos en inglés (traballo con documentos reais).
Xuntanzas de traballo.
Visitas de avaliación e seguimento de proxectos.
Redacción de proxectos.

MATERIAIS E RECURSOS DIDÁCTICOS
Para o desenvolvemento deste curso traballaremos con exercicios prácticos para o repaso, afianzamento e autoavaliación dos coñecementos adquiridos, material audiovisual e en audio e material de lectura (informes de proxecto orixinais, correspondencia real coas contrapartes, artigos xornalísticos, etc.).

DATAS E HORARIOS
O curso terá lugar do 27 xuño ao 1 de xullo, en horario de 16:00 a 20:00h. As clases, impartidas por María Reimóndez e Blanca Rodríguez (tradutoras e intérpretes profesionais e con 17 e 11 anos de experiencia na cooperación, respectivamente), terán lugar na Facultade de Filoloxía e Tradución da Universidade de Vigo.

INSCRICIÓN

Prazas dispoñibles: 10. Para inscribirse e/ou solicitar información, escribir un mail a Implicadas no Desenvolvemento (info@implicadas.com). O custo da matrícula é de 150€. O prazo de matrícula remata o vindeiro 20 de xuño.

"Os meus ollos, as túas mans" despídese de Arzúa...

2011-06-06T20:06:00.001+02:00

A exposición máis recente de Implicadas estivo ata a pasada semana na Capela da Madanela (Arzúa), tócalle descansar uns días e emprender outra viaxe.

Moitas gracias a todas aquelas persoas que a visitastes, esperamos que vos gustase e que, cando menos, vos fixera reflexionar un pouquiño.

E, finalmente agradecer dende aquí o Concello de Arzúa, especialmente a Marcos, que fixo que isto fose posible con moito cariño e ilusión!

Prestade atención, que en Implicadas seguimos con actividades!

O deporte galego anímase a colaborar con Implicadas!

2011-06-01T22:00:00.001+02:00

Temos que dicirvos que dende xa temos dúas colaboracións máis por parte de dous clubs galegos. Trátase por unha banda do Club de fútbol feminino San Roque Casablanca, de Vigo. E por outra, do Comesaña Sporting Club. Tamén de Vigo pero con dedicación exclusiva ao atletismo.

Ámbolos dous teñen nas súas páxinas web (www.comesana.org e http://www.srcasablanca.com/principal.htm) as ligazóns de Implicadas e así colaboran connosco na difusión e visibilidade da organización para poder acadar a meta, 200!

Por un lado aparece reflexada a páxina web da campaña vixente, 1 de 200, (www.200implicadas.com) e por outro a do libro dixital (http://www.implicadas.com/libro1de200) que acabamos de facer público recentemente e que por suposto vos animamos a que lle botedes unha ollada.

Non perdades detalle, isto continuará!

Péchase o proceso de inscrición no obradoiro literario do venres 3

2011-05-30T18:27:00.002+02:00

Ante o éxito de convocatoria do obradoiro literario programado para o vindeiro venres, 3 de xuño, e dado que xa non quedan prazas libres, vémonos obrigadas a pechar hoxe mesmo, día 30, o proceso de inscrición, que en principio remataría mañá, martes 31 de maio.

É fantástico comprobar que as actividades que se organizan con tanto cariño teñen unha boa acollida entre a cidadanía, por iso...

Moitísimas grazas pola vosa participación!!

E non esquezades que ao longo da semana teredes máis oportunidades de participar nas actividades da poeta e activista támil.

Semana de actividades!

2011-05-27T21:50:00.001+02:00

O vindeiro 1 de xuño, mércores, e ata o sábado 4, Implicadas ten preparada unha "Semana Literaria" con motivo da visita da autora támil Salma (@s que coñecedes Vanakkam/Benvidas sabedes que é unha das escritoras támiles actuais máis relevantes do panorama literario indio, e @s que non... estades a tempo de coñecela!), que estes días estará en Galicia para presentar a súa novela Despois da medianoite, editada por Xerais, con tradución de María Reimóndez. Salma viaxará dende Támil Nadu ata a nosa terra para falarnos de primeira man da novela, da súa realidade e do que implica ser muller, musulmá e escritora na India.

Este é o listado de actividades programadas por Implicadas para eses días.

Mércores, 1 de xuño:

· Visita asociación de mulleres ALBA en Santiago de Compostela. O diálogo sobre as accións das asociacións de mulleres en Galicia e en Tamil Nadu permitirá que ambas partes coñezan qué é o que se fai dende os movementos feministas en ambos contextos.

· Presentación da novela Despois da medianoite en Santiago. Ás 20:00 h. na Praza de Cervantes. Coa colaboración da Libraría Couceiro.

Xoves, 2 de xuño:

· Visita ao IES Alexandre Bóveda. Ao longo de dúas sesións Salma e María Reimóndez, dúas das autoras do libro Vanakkam/Benvidas, intercambiarán impresións co alumnado (que terá traballado previamente co documento), e comentarán de primeira man cuestións referidas tamén ao país de orixe de Salma, a escrita das mulleres ou a cooperación ao desenvolvemento (11:30 e 13:25 h).

· Presentación da novela Despois da medianoite en Vigo. Será ás 20:00 h. na Libraría Librouro.

Venres, 3 de xuño:

· Obradoiro literario coa cidadanía. Esta xornada de obradoiro de escrita creativa aberta á cidadanía de Vigo e coordinado por Salma e María Reimóndez engadirá aos tradicionais obradoiros literarios o aliciente de poder contar cunha autora que provén doutro sistema literario e que poderá contribuír cunha lingua e imaxes diferentes a ese traballo xa existente na cidade (17:00-19:30 h. Centro de Documentación e Recursos Feministas da Cidade de Vigo, C/ Joaquín Yánez, 6, 2º andar). Para inscribirvos, non tendes máis que mandar un mail a info@implicadas.com antes do martes 31 de maio.

Sábado 4 de xuño:

· Encontro de poetas galegas con Salma. Dita xornada constará de dúas sesións.

Durante a sesión da mañá (11:00 - 14:00 h.) terá lugar un intercambio de experiencias aberto entre as autoras galegas convidadas e Salma. Traballarase tamén a creación de textos conxuntos.

A sesión de tarde (17:00 - 19:00 h.), aberta á cidadanía, comezará cunha mesa redonda, na que participarán Salma e outras autoras, e concluirá cun recital no que as convidadas compartirán a súa obra co público asistente (entre o que agardamos vervos!). Esta xornada terá lugar no Museo Liste (R/ Pastora nº 22, Vigo).

Como vedes, literatura e cooperación van da man a vindeira semana. Unha ocasión única, non?

O fútbol feminino galego está con Implicadas!

2011-05-24T23:27:00.001+02:00

O Orzán S. D , un equipo de fútbol feminino da cidade de A Coruña, está a colaborar con nós facendo difusión da campaña na cal estamos inmersas, 1 de 200, dende o pasado mes de abril que foi cando se disputou o Torneo de Vimianzo entre o Orzán S. D e a Selección Feminina da Costa da Morte.

Esta colaboración continuará en futuros encontros, como poden ser os partidos da Copa que o equipo B está a xogar, sempre e cando tanto a Federación Galega de Fútbol como o equipo rival non presten oposición.

Seguiremos informándovos!

Implicadas tamén ten cadernos e libros Vankkam-Benvidas!

2011-05-24T00:13:00.002+02:00

Non sabíades dos cadernos que Implicadas ten á venda? Que mágoa, porque son ben xeitosos! En calquera acto de rúa, na mesma oficina en Vigo e noutras actividades que se están a facer por todo Galicia poderédelas conseguir. E dende o 18 de maio, tamén no Bar A Repichoca (A Coruña) e na Froitería Pascua (Monterroso). Pero os puntos de venda seguirán aumentando, xa volos iremos comunicando.

Hai catro modelos, elixe o que máis che guste. Son só 5 € que nos axudarán a financiar o noso proxecto para a erradicación do infanticidio feminino en Salem (India).

E tamén, nestes mesmos locais, está á venda o libro VANAKKAM – BENVIDAS (unha colección de poemas, voces de poetas galegas e támiles). Inclúe ademais un Cd! E só custa 10 €.

Este, tamén o poderedes mercar nos obradoiros que Implicadas vai levar a cabo entre o 29 de maio e o 6 de xuño. Xa teredes máis información pero pensade que poderedes participar neles así que ide gardando a data!

Implicadas no Festival de Cans

2011-05-21T10:02:00.000+02:00

María Reimóndez e Farruco Castromán presentan o documental Cambia de papel, gravado na India coa ONG Implicadas polo Desenvolvemento e coproducido pola propia ONG e as produtoras galegas Zircocine e Filmanova. Este documental, no que Tosar intervén como co-director, co-produtor e protagonista, reflexiona sobre os diferentes papeis que as persoas poden desempeñar, e como un cambio de roles supón mudanzas significativas nas vidas propias e alleas.

Será hoxe sábado 21, ás 18.30 nas Salas Libres (Multiusos e Jalinheiro Unplugged)

Feira do Día do Comercio Xusto en Lugo

2011-05-11T19:31:00.001+02:00

O sábado día 14, o grupo de voluntariado de Lugo participará xunto con outras asociacións da cidade de Lugo na celebración do Día do Comercio Xusto, que terá lugar na Praza Maior durante todo o día.

As asociacións participantes contarán cunha mesa informativa e de venda en horario de 11.00 a 14.00 e de 16.30 a 20.00.

Haberá, ademais, degustacións de produtos de comercio xusto e unha exposición da campaña «As mulleres que alimentan o mundo».

As actividades propostas inicialmente para a xornada (pódense dar cambios) son as seguintes:

11:00- Apertura.

12:00- Lectura de Manifesto.

12:30- Gymkhana.

13:30- Música senegalesa.

14:00- Peche.

16:30- Apertura.

17:00- Gymkhana.

18:00- Teatro.

19:00- As opinións dos lucenses.

Haberá tamén concurso de debuxos para crianzas. ¡Achegádevos!

"O son das buguinas" en Santiago

2011-05-06T21:10:00.000+02:00

Xa podedes visitar nas Crechas unha parte da fermosa exposición que versa sobre a tsunami que asolou o surleste asiático no 2004. Céntrase no distrito de Karaikal, na India, onde Implicadas emprendeu un proxecto de axuda humanitaria de emerxencia que derivou nun proxecto de desenvolvemento que segue na actualidade.

A exposición estará na Casa das Crechas durante o mes de maio.

Non perdas a oportunidade e aproveita para vela!!

"Em tránsito", último club de lectura do curso en Compostela...

2011-05-06T21:03:00.000+02:00

Xuntámonos coma sempre no bar M* e, a conversa flúe de xeito ameno, é doado evadirse nesta compañía... gracias a todas as que estiveses alí!

Fala Raquel de que ao final todas estamos en tránsito, sempre en movemento...como os nove personaxes dos seus relatos .

Comentamos sobre as distintas sensacións que cada relato nos provocou, sentimentos, emocións, lembranzas, ...a partir de ahí comenta Raquel que para ela o máis importante na creación de algo artístico é a honestidade da autora e, como mestra que é, tamén cre que para poder escribir ben , antes tes que ler os clásicos.

Para Raquel a lingua que emprega na súa obra foi un feito órganico, o discurso ideolóxico veu despois...esto pálpase nas súas palabras.

Por compartir con nós o seu tempo e as súas vivencias, queremos darlle as gracias dende Implicadas!

A partir de setembro máis, esperámosvos!

Carmen, no recordo.

2011-05-06T12:12:00.000+02:00

As voluntarias de Implicadas quixemos render unha pequena homenaxe a Carmen, a nosa amiga e compañeira.

“Os meus ollos, as túas mans” colle novo rumbo…

2011-05-01T20:10:00.001+02:00

Despois de pasar o mes de abril no Modus Vivendi (Compostela), a exposición máis recente de Implicadas cambia de rumbo e, a partir do luns día 2 de maio estará na Capela da Madanela (Arzúa).

Aproveitamos dende aquí para darlle as gracias ó Modus Vivendi por colaborar, unha vez máis, con Implicadas e animar a tódalas persoas que se pasen por Arzúa os vindeiros 15 días a disfrutar desta magnífica mostra de ilustradoras/es galegas/os que plasmaron a visión do voluntariado de Implicadas!

Ata sempre, Carmen

2011-04-29T10:06:00.000+02:00

A mañá do 28 de abril deixounos para sempre Carmen. Dicir que era unha das nosas voluntarias e socias máis antigas, das poucas que levan 13 anos ao pé do canón é tanto como non dicir nada. Carmen era unha das implicadas máis queridas, polo seu compromiso e vontade incansables, pero sobre todo, polo seu entusiasmo e optimismo que resistían calquera proba e pola súa forza que sempre soubo transmitir ás demais. Sen importar as circunstancias, ela sempre estaba aí, con sorriso, unha palabra amable e as súas mans, a súa mente e o seu corazón. Disposta a todo.

Carmen foi unha loitadora toda a súa vida, tanto no persoal como no seu traballo en Implicadas. O fin da súa loita máis importante déixanos a todas cunha fonda tristura.

Quixémola, querémola e respectámola como a gran persoa que foi. Carmen estará sempre con nós, coas implicadas, como un exemplo inesquecible da forza na loita contra a inxustiza de toda clase.

Aviso urxente: adíase a Asemblea Xeral

2011-04-28T14:01:00.000+02:00

Por causas de forza maior, fóra do noso control e que acabamos de coñecer, vémonos obrigadas a adiar a Asemblea Xeral que estaba convocada para este sábado día 30 ás 18.00 horas en Santiago.

Non dispoñemos neste momento dunha nova data para a súa celebración, pero se comunicará ás socias ormalmente a principios da semana que vén, en canto nos sexa posible.

Pregámosvos que desculpedes este imprevisto e que comprendades que foi inevitable.

Agradecemos a vosa comprensión

Implicadas, nas XIII Xornadas de Igualdade de Mugardos

2011-04-28T11:27:00.002+02:00

Os vindeiros días 29 e 30 de abril (venres e sábado), terá lugar a XIII Edición das Xornadas de Igualdade organizadas polo Concello de Mugardos, este ano baixo o título A participación política das Mulleres. Implicadas estará presente da man de Ania Piñeiro, que participará na mesa redonda sobre Movementos sociais e políticos feministas que terá lugar o venres 29 ás 18:45 h.

Os meus ollos, as túas mans chega a Arzúa

2011-04-28T11:17:00.003+02:00

Os meus ollos, as túas mans, a exposición nada o pasado mes de outubro como resultado da convivencia entre o voluntariado de Implicadas e un grupo de recoñecid@s ilustrador@s, que traduciron en obras plásticas os testemuños do voluntariado, chega a Arzúa o vindeiro sábado, 30 de abril (tras pasar polo Modus Vivendi de Santiago, como xa vos comentaramos anteriormente). A exposición permanecerá instalada na Capela da Madalena ata o 14 de maio, sábado.

Os meus ollos, as túas mans pretende plasmar a visión da cooperación a través dos ollos do voluntariado de Implicadas, unha perspectiva que non sempre atopa un camiño para chegar á cidadanía. Así, a de Arzúa supón unha nova parada no transcurso dunha travesía que achegará o testemuño do voluntariado da organización a varias localidades galegas. Ilustración e cooperación nunha mesma sala.

Non faltedes!

Como ben sabedes o luns tivemos en Compostela dúas actividades!

2011-04-13T21:21:00.000+02:00

Pola tarde un club de lectura apaixoante polo que queremos agradecerlle a tódalas persoas ter vido e sobre todo ser tan activas e participativas, así da gusto!

E, especialmente, darlle as grazas a Marilar Aleixandre por compartir con nós o seu tempo, a súa forza, o seu libro e , incluso anaquiños da súa vida!

Asique tanto as que xa sodes habituais dos clubes de lectura , as que o descubristes onte coma ás que vos apetece probar! Lembrade que o día 2 de maio será o próximo e último des te curso; no mesmo lugar e á mesma hora pero, desta volta acompañadas por Raquel Miragaia e o seu libro Em tránsito.

Vémonos no M*!

Pola noite un concerto solidario no Ultramarinos ( graciñas pola vosa colaboración e ofrecemento desinteresado!) !

Disfrutamos das voces e da música de Xoán Curiel , Fred Martins e Sergio Tannus e Trío, todos e cada un deles nos emocionaron e divertiron durante dúas horas! Por iso, e por estar sempre dispostos a botarlle unha man a Implicadas, mandámoslles dende aquí todo o noso agradecemento, é un pracer tervos preto!

E, non pode faltar lembrar a todas esas persoas que asistiron, houbo quen riu, quen chorou, quen bailou e quen sorriu, e TODAS colaboraron!

Teredes novas nosas pronto!

Os meus ollos, as túas mans en Santiago de Compostela

2011-04-10T21:53:00.000+02:00

Recordámosvos que dende o día 4 de abril até finais de mes podedes desfrutar da exposición “Os meus ollos, as túas mans” no MODUS VIVENDI.

Esta exposición xurdiu como froito da campaña 1 de 200; un grupo de ilustrador@s galeg@s crearon 10 fermosas obras (mans) nas que se plasma a visión do voluntariado de Implicadas acerca do traballo que realizan na organización e os proxectos que se levan a cabo na India (ollos).

Aproveitade e pasade a vela!

O son das buguinas

2011-04-10T21:48:00.000+02:00

Parece que abril é o mes das exposicións de Implicadas en Compostela, en abril poderedes disfrutar na ASOCIACIÓN SOCIOCULTURAL ARCOS-TILOS (R / AMENEIRO, 8. OS TILOS - TEO) da exposición que versa sobre a tsunami que asolou o surleste asiático no 2004. Céntrase no distrito de Karaikal, na India, onde Implicadas emprendeu un proxecto de axuda humanitaria de emerxencia que derivou nun proxecto de desenvolvemento que segue na actualidade.

Por mor da Festa da Interculturalidade que celebra a asociación o día 9 de abril "O Son das buguinas" decorará os pasillos do edificio dende o 6 ao 28 de abril en horario de 16 a 20h.

Non perdas a oportunidade e aproveita para vela!!

*NOTA: Esta exposición sufiru un cambio no seu calendario, será no mes de maio cando se poida visitar na CASA DAS CRECHAS (COMPOSTELA).

Cancelada a presentación de 1 de 200 en Pontevedra

2011-04-10T21:39:00.002+02:00

Lamentamos comunicarvos que a presentación de Pontevedra non puido realizarse, a pesar de estarmos no sitio nón e Celso Parada porque a Concellala de Benestar Social non se presentou nin na Praza da Ferrería había ninguén do Concello para asistir na actividade (enchufes de magafonía, etc) tal e como se acordara. Esta é a segunda vez que o Concello actúa desta forma irrespectuosa cara a nós e sobre todo cara á coordinadora de Pontevedra e o alumnado de Belas Artes que colaborou na actividade e traballaron nela dende o mes de novembro do ano pasado.

No noso nome pedímosvos desculpas se estivestes na Ferrería o venres, agardando coma nós.

Concerto solidario en Santiago

2011-04-09T10:58:00.001+02:00

O luns día 11, ás 22.30, presentamos un concerto solidario no Ultramarinos (Rúa das Casas reais, 34) a prol de Implicadas no Desenvolvemento.

As entradas custan 3 € e todos os cartos recadados irán destinados aos nosos proxectos na India. No concerto participarán artistas como Sergio Tannus Trio, Fred Martins, Xoán Curiel e máis artistas convidad@s.

Amosa a túa solidariedade e desfruta dunha noite de festa e boa música en Compostela. Non faltes!

E continúa a andaina dos Clubs de Lectura en Santiago de Compostela...

2011-04-09T10:50:00.000+02:00

A vindeira cita será o luns 11 de abril, no Bar M* (Fonte de Sto. Antonio,15), ás 20:30 h. A convidada ao encontro será Marilar Aleixandre, autora do libro seleccionado para esta xornada, O Coitelo en Novembro, unha historia de historias nas que as únicas protagonistas son as palabras.

Coma sempre, aquil@s que queiran participar nos Clubs de Lectura deberán ler o libro, total ou parcialmente, para poder sacar o maior partido posible á reflexión e análise sobre os contidos sociais da obra escollida.

Implicadas na Feira de Asociacións de Lugo

2011-04-07T22:54:00.000+02:00

Do 8 ao 10 de abril celébrase en Lugo a Feira de Asociacións Lucenses, onde Implicadas no Desenvolvemento participa cun stand informativo e de venda. O horario de apertura ó público é de 11.00 a 14.30 e de 17.00 a 20.30.

Achégate e coñece as distintas asociacións que traballan en Lugo. Ademais haberá diversas actividades o longo de toda a fin de semana: charlas, obradoiros, contacontos, proxección, musica de Senegal...

Achégate e coñécenos!

I Escola Feminista: Centros e periferias.

2011-04-07T15:48:00.000+02:00

PRESENTACIÓN

A Escola Feminista Implicadas no Desenvolvemento pretende proporcionar un espazo de coñecemento e debate no que as persoas que se moven no mundo da cooperación poidan ampliar as bases do seu traballo dende unha óptica feminista plural. Esta I Edición tratará o tema dos Centros e Periferias, na teoría e no activismo, para poñer de manifesto a importancia de que os feminismos se desenvolvan con atención ás diferenzas de poder entre o Norte e o Sur.

O obxectivo é contribuír á aplicación de políticas e accións no campo da cooperación ao desenvolvemento feitas dende unha óptica feminista e á integración das desigualdades Norte-Sur en todos os feminismos.

ONDE E CANDO?

A I Escola Feminista de Implicadas no Desenvolvemento celebrarase en Vigo, do 11 ao 14 de abril, nas instalacións da Casa das Mulleres (R/ Romil, nº 20), en horario de tarde (19:00-21:00 h). Cada día haberá unha conferencia plenaria e logo unha sesión de unha hora de debate dinámico ao redor dos temas presentados na conferencia. As conferencias artellaranse como exposicións de elementos para o debate e, polo tanto, terán unha perspectiva panorámica.

A QUEN VAI DIRIXIDA?

-Persoas que traballen en organizacións de cooperación ao desenvolvemento.

-Persoas que traballen en organizacións de mulleres e/ou feministas.

-Persoas interesadas no campo do coñecemento feminista.

INSCRICIÓN

Aquelas persoas que desexen inscribirse nesta I Edición da Escola Feminista non teñen máis que encher o formulario axunto e remitilo a Implicadas no Desenvolvemento, ben por correo postal (Implicadas no Desenvolvemento, Avda. das Camelias nº 49, escaleira, 36211, Vigo), ben por mail (info@implicadas.com), xunto co xustificante de pago da matrícula (30€ xeral, 20€ estudantes). O pago poderá facerse en calquera oficina NCG, no número de conta 2091 0531 81 3040010798, especificando Escola Feminista como concepto. A inscrición será formalizada no momento de recepción dos documentos. Tamén é posible inscribirse o propio luns 11, entregando o xustificante de pago dez minutos antes do comezo da sesión e enchendo a ficha de inscrición.

PARTICIPAN

Dra. Belén Martín Lucas

Dende 1996, é Co-Coordinadora do Feminario de Investigación Feminismos e Resistencias da Universidade de Vigo, onde exerce a docencia impartindo materias de literatura postcolonial e feminista. A súa liña de investigación recolle as políticas de resistencia na narrativa feminista postcolonial, cunha extensa lista de publicacións sobre a sobre-explotación simbólica do corpo feminino nos discursos formados sobre valores patriarcais e na actual industria cultural da globalización no seu haber.

Remei Sipi

Escritora, activista e experta en movementos sociais africanos. Preside en Barcelona a Asociación de Mulleres E'Waiso Ipola, e promove unha federación de asociacións de mulleres africanas en España. Ten escrito numerosos artigos e participado en cursos sobre movementos sociais en África, participando desinteresadamente na divulgación da cultura africana.

Dra. N. Manimekalai

Doutora en Económicas. Directora do Centro de Estudos das Mulleres da Universidade de Bharathidasan (Tiruchy) dende 2004. Ao longo da súa dilatada carreira no eido do xénero ten recibido varios premios de investigación, participado en máis de 100 conferencias a nivel internacional e publicado máis de 100 artigos sobre políticas de xénero, empoderamento das mulleres ou o impacto das microfinanzas, entre outros. Colabora así mesmo, como Asesora de Xénero dos proxectos de cooperación aos desenvolvemento que Implicadas apoia na India.

María Reimóndez

Presidenta e fundadora de Implicadas no Desenvolvemento. Escritora, tradutora e intérprete de profesión. Completa o seu traballo literario con colaboracións en prensa. Forma parte do grupo de investigación Feminario de Investigación Feminismos e Resistencias da Universidade de Vigo, onde realiza a súa tese sobre a interacción do Feminismo, Poscolonialismo e a Traducción. Traballa en cooperación dende o ano 1994, como experta en enfoque de xénero na planificación e avaliación de proxectos de diversa índole.

PROGRAMA

Luns 11

- Inauguración da Escola Feminista.

- Conferencia a cargo da Dra. Belén Martín Lucas do Feminario de Investigación Feminismos e Resistencias da Universidade de Vigo: Centros e periferias nos feminismos.

- Sesión de traballo.

Martes 12

- Conferencia a cargo de Remei Sipi, Presidenta da Asociación de Mulleres E'Waiso Ipola: Os feminismos na África subsahariana.

- Sesión de traballo.

Mércores 13

- Conferencia a cargo da Dra. N. Manimekalai da Bharatidasan University de Tiruchy: Os feminismos na India, pluralidades e periferias.

- Sesión de traballo.

Xoves 14

- Obradoiro a cargo de Implicadas no Desenvolvemento sobre a aplicación da parte teórica á cooperación ao desenvolvemento e ao activismo en xeral.

- Peche.

Presentación da campaña 1 de 200 en Pontevedra

2011-04-07T15:29:00.000+02:00

A campaña 1 de 200 chega a Pontevedra da man de Celso Parada e coa colaboración da Facultade de Belas Artes da cidade.

As nosas voluntarias estarán tamén na rúa, ao voso dispor, para explicar a campaña e atendendo a mesa informativa e de venda de materiais.

Como xa vén sendo habitual, non damos máis detalles, agardamos que vos acheguedes para descubrir en persoa que temos preparado.

A presentación será o venres día 8 ás 18.00h na Praza da Ferrería.

Os meus ollos, as túas mans

2011-03-18T15:15:00.000+01:00

IMPLICADAS NO DESENVOLVEMENTO colabora coa REDE MUSEISTICA LUCENSE
presentando a exposición "Os meus ollos, as túas mans", dentro do marco de
actividades "MULLER NA HISTORIA, HISTORIA DE MULLERES: PRESENCIA VS.
AUSENCIA". Dende o 8 de marzo, a Rede Museística Lucense ven realizando
actividades en todos os seus museos conmemorando a celebración do día da
muller (8 de Marzo), nesta ocasión o programa é o seguinte:
. Visita guiada polo Pazo de Tor, itinerario feminino
. Inauguración da Exposición "Os meus ollos, as túas mans" de Implicadas
no Desenvolvemento. 19 de marzo - 1 de abril
. Proxeción do video de obras de Carlos Valcarcel, referente á muller e ó
seu entorno
. Encontro de mulleres artistas. Conferencia e obradoiro sobre a
creatividade feminina.

Documental en proceso

2011-03-13T12:49:00.000+01:00

LUÍS TOSAR CAMBIA DE PAPEL

PARA O NOVO PROXECTO DE IMPLICADAS

O actor Luís Tosar desprázase a Salem (India) da man de Implicadas no Desenvolvemento, para impartir un obradoiro de teatro e participar na gravación dun novo proxecto audiovisual promovido pola organización.

Luís Tosar viaxará o vindeiro luns 14 de marzo ata o distrito de Salem, na India, para impartir un obradoiro teatral. As destinatarias serán as integrantes do equipo de teatro de rúa do proxecto pola erradicación do infanticidio feminino que Implicadas leva a cabo nesa zona. Implicadas traballa en Salem dende 2007 para erradicar esta práctica pola cal as comunidades toleran que se asasine ás nenas cando acaban de nacer. Dende entón, Implicadas contribuíu a que máis de 900 nenas non perdesen a vida, ademais de mellorar as condicións de vida de máis de 10.000 mulleres. A campaña 1 de 200, presentada o pasado mes de outubro, incide sobre esta problemática.

Non é a primeira vez que Luís Tosar, que é socio da organización, deixa patente o seu compromiso participando nunha actividade organizada por Implicadas no Desenvolvemento. Apoiar a campaña 1 de 200, presentar, unha vez máis, o festival Implícate, noite de música e palabra solidaria este 2011 ou prestar a súa voz á gravación ao teaser Quererás ser son só algúns exemplos.

E non será a última. Neste marco desenvolverase tamén o proxecto audiovisual Cambia de Papel, un documental dirixido, guionizado e producido polo propio Tosar e María Reimóndez, Presidenta de Implicadas, no que se analizarán os diferentes papeis que as persoas poden desempeñar, e como un cambio de papeis supón cambios significativos nas vidas propias e alleas. O proxecto conta coa participación de activistas, persoal e beneficiarias dos proxectos que Implicadas leva a cabo en Tamil Nadu (India) e coa aparición do propio Tosar e Reimóndez. A gravación terá lugar entre o 14 e o 24 de marzo.

CONTACTO María Reimóndez, Presidenta de Implicadas no Desenvolvemento, 626 604 251 Na India: 00919360026169

Quinta edición do ciclo formativo Vanakkam!

2011-03-10T09:50:00.003+01:00

O grupo da primeira edición do Vanakkam

O Vanakkam (palabra támil para dar a benvida) é un programa formativo sobre a cooperación ao desenvolvemento que realiza Implicadas no Desenvolvemento e que consta dunha fase formativa en Galicia coa posibilidade de viaxar aos proxectos de desenvolvemento que Implicadas apoia nos estados de Tamil Nadu e Pondicherry, na India. O Vanakkam pretende dar a coñecer de forma directa o traballo xeral de Implicadas e, en concreto, os resultados dos nosos proxectos de desenvolvemento integral en Karaikal (zona afectada pola tsunami do 2004) e en Tiruchy, así como o proxecto contra o infanticidio feminino de Salem. O obxectivo é cambiar a nosa mentalidade e aprender das mulleres, homes e nenas/os dos suburbios que fan enormes esforzos co apoio da nosa ONG compañeira támil, PDI, para cambiar as súas vidas.

Como se estrutura?

O Vanakkam é un programa que consta de dúas partes:

Un curso de formación sobre cooperación ao desenvolvemento, orientado ao traballo de Implicadas nos proxectos da India, que se levará a cabo aquí en Galicia, e terá lugar en sábados de abril, maio e xuño. O temario inclúe os seguintes temas:

A cooperación ao desenvolvemento (historia e evolución, axuda oficial ao desenvolvemento, o 0,7%, microcrédito)
Enfoque de xénero
Filosofía e traballo en Galicia de Implicadas
A India (historia, xeografía e diversidade, as castes, problemática específica das mulleres)
Os proxectos de Implicadas na India.

Unha viaxe formativa de dúas semanas nas que se poderá aprender e coñecer en persoa o labor realizado nos proxectos de Karaikal, Tiruchy e Salem.

O Vanakkam! NON É PARA TI se:

Buscas un programa de vacacións solidarias. Estamos a falar dun ciclo formativo, polo que as persoas que viaxen á India non realizarán ningún traballo nos proxectos. Visitarán as comunidades a diario e falarán coas persoas que as integran, así como co persoal do proxecto para aprender sa súa experiencia pero non realizarán tarefas de tipo ningún.
Queres facer unha viaxe de mochiler@ á India. Por suposto, o grupo terá a oportunidade de visitar templos e lugares de interese nas fins de semana, pero o Vanakkam! non é unha viaxe de turismo: o seu fin é formar e sensibilizar ás persoas que participan nel. A visita aos proxectos ten un programa de actividades organizado ao que cómpre cinguirse.

O Vanakkam! É PARA TI se:

Queres aprender sobre cooperación ao desenvolvemento.
Queres ver en persoa como traballa no terreo unha ONG de cooperación.
Non queres ir de vacacións, senón a vivir unha experiencia formativa e cultural que che dará a oportunidade de interactuar con persoas que están cambiando as súas vidas e as das súas comunidades a través dos seus recursos e a súa iniciativa e aprender delas.
Queres sentar unha boa base para iniciarte no mundo da cooperación ao desenvolvemento, tanto de xeito voluntario como profesional.

Presentacións do programa

Nestas presentacións explicarase en qué consiste o programa, proxectarase un audiovisual que narra a experiencia do ano 2007 e responderase a tódalas preguntas que xurdan. Aquelas persoas que desexen formalizar a súa matrícula tamén o poderán facer no momento.

LUGO: Martes 22 de marzo, 20.00h, A Cova da Terra (Rúa das Nóreas 12)
VIGO: Mércores 23 de marzo, 20.00h, local de Implicadas no Desenvolvemento. (Avenida das Camelias, 49 interior, baixo)
A CORUÑA: Xoves 17 de marzo, 20.00h, Cervexaría Guamá (R/ Puerto Rico, 15)
SANTIAGO: Mércores 16 de marzo, 20.30h. Modus Vivendi (Prza. Feixoo)

Visita aos proxectos de IND na India

Ademais do ciclo formativo en Galicia existe a posibilidade de que 10 das persoas que o completen visiten os proxectos en Tamil Nadu e completen a súa formación sobre o terreo. A visita farase a cargo da coordinadora e as/os participantes terán que sufragar os gastos de desprazamento e estadía. Será requisito indispensable, sen excepción, realizar o ciclo formativo COMPLETO en Galicia para poder continuar a formación nos proxectos.

Avaliación e continuidade

Ao regreso da visita ao proxecto e tamén para as persoas que só realizaron o ciclo formativo en Galicia realizarase unha sesión de avaliación do programa e tamén se verá a posibilidade de implicación das persoas formadas na difusión dos resultados dos proxectos en Tamil Nadu e do traballo de Implicadas en xeral.

Onde se celebra?

As sesións do ciclo formativo celebraranse en Santiago de Compostela, no Centro sociocultural de Fontiñas (Rúa Berlín, 13) nas seguintes datas e horarios:

16 de abril (de 10.00h a 14.00 e de 17.00h a 19.00h)
30 de abril (de 10.00h a 14.00h)
14 de maio (de 10.00h a 14.00h)
28 de maio (de 10.00h a 14.00h e de 17.00 a 19.00h)
Unha xornada de orientación á viaxe no mes de xuño
Xornada de avaliación e continuidade (coa entrega do certificado de participación): principios de setembro

Cal é o prazo de inscrición?

O prazo está aberto ata o luns 11 de abril.

Canto custa o curso?

As persoas que non sexan socias/os ou voluntarias/os de Implicadas deberán aboar 50€ en concepto de matrícula. Para socias/os e voluntariado en activo o curso é gratis.

Como podo anotarme?

Podes inscribirte facilitando os teus datos persoais de diferentes xeitos:

Escribindo un correo electrónico a info@implicadas.com
Chamando ao local de Implicadas (886 11 19 11 de 9.30h a 13.30h)
Acudindo persoalmente ao noso local de Vigo (Avenida das Camelias, 49, escaleira)

En calquera das presentacións do ciclo en A Coruña, Lugo, Santiago ou Vigo

Lembra que...

Este curso de formación, igual que todos os de Implicadas, está pensado de xeito interactivo, dinámico e participativo, para que as persoas que participen nel non sexan meras receptoras de información, senón parte activa, que integren os novos coñecementos e acheguen as súas opinións e ideas.

Máis información

Local de Implicadas (de 9.30h a 13.30h) 886 11 19 11 ou info@implicadas.com

COMUNICADO DE IMPLICADAS NO DESENVOLVEMENTO CO GALLO DO 8 DE MARZO, DÍA DA MULLER

2011-03-08T10:40:00.000+01:00

Como acontece con outros días dedicados a diferentes causas, serán hoxe moitos os datos que os medios difundirán para nos recordaren a situación xeneralizada de desigualdade que as mulleres padecemos na nosa sociedade e tamén a nivel mundial. Dende Implicadas no Desenvolvemento queremos facer fincapé nas conexións estreitas que existen entre o modelo de sociedade que levou á crise galega actual, o patriarcado e as raíces da pobreza. Así, o mesmo tipo de mentalidade que promove modelos retrógrados de familia e papeis das mulleres máis propios da época franquista ca dunha democracia (véxase a Lei da Familia que o PP de Galicia pretende poñer en marcha) coa escusa da crise é a mesma que leva a ignorar a responsabilidade das sociedades do Norte na situación de pobreza e discriminación das mulleres do Sur. As imaxes que adoito circulan sobre as mulleres do Sur (abonda con ver os debates sobre o veo dentro das nosas propias sociedades, acríticos coas manifestacións relixiosas propias e impositores dun cristianismo soterrado) como vítimas, dependentes ou como meras escusas para as intervencións militares con fins económicos (quen lembra que os talibáns foron levados ao poder por EEUU? Quen fala agora dos burkhas en Afganistán?) perpetúan a rolda da pobreza. Os recortes económicos para a cooperación internacional padecidos dende o inicio da crise galega (no caso da Xunta chegan a un 40%, o Fondo Galego de Cooperación deixa de destinar fondos ás ONGDs, a Nova Caixa Galega leva varios anos sen destinar fondos á cooperación internacional) inciden de forma directa nas mulleres que viven nas situacións máis desfavorecidas e coas cales a sociedade galega leva establecidos fondos vínculos de traballo mutuo a través de IMPLICADAS NO DESENVOLVEMENTO. Un exemplo desta colaboración transformadora é o traballo de IMPLICADAS e a súa organización compañeira támil PDI no distrito de Salem onde, por mor do infanticidio feminino, 200 nenas por cada 1000 nenos nacidos son asasinadas cada ano. Implicadas e a súa organización compañeira támil PDI levan traballando dende 2007 con alentadores resultados en Salem (www.200implicadas.com), demostrando que o cambio de mentalidades e prácticas é posible en todos os lugares.

O 8 de marzo é tamén sobre todo un día de reivindicación no que as voces das mulleres se unen polo mundo enteiro, onde as nosas compañeiras de Salem ou das montañas de Etiopía saen igual ca nós á rúa cun mesmo berro común, festivo e pacífico por unha sociedade diferente. En Implicadas celebramos hoxe o traballo de todas as nosas compañeiras feministas e activistas de Támil Nadu que loitan a diferentes niveis contra o infanticidio feminino, dende as mulleres das aldeas que erguen a súa voz, ás traballadoras dos nosos proxectos, ás activistas e teóricas da universidade pasando polas escritoras, xuízas, policías ou sociólogas que participan nas nosas actividades e campañas. Querémoslles amosar o noso respecto e admiración polo seu esforzo e traballo incansable que fai do mundo un lugar mellor, e o noso agradecemento polas leccións que cada día nos ensinan e nos permiten compartir. Dende o mes de outubro de 2010 a nosa campaña 1 de 200 busca 200 novas socias que con 12 euros ao mes reforcen o noso traballo e o traballo das nosas compañeiras támiles para erradicar o infanticidio feminino en Salem. Hoxe, 8 de marzo, é máis necesario que nunca que sexas 1 de 200. Por iso facemos un chamamento a toda a cidadanía galega a tomar parte nas manifestacións do 8 de marzo e sobre todo no traballo constante por un mundo máis xusto para as mulleres, vivamos onde vivamos, que Implicadas promove cada día.

www.200implicadas.com

AVISO URXENTE: SUSPENSIÓN TEMPORAL DA PRESENTACIÓN DA CAMPAÑA1 DE 200 EN PONTEVEDRA

2011-03-03T19:44:00.000+01:00

Por motivos alleos á vontade de Implicadas e fóra do control da organización, vémonos obrigadas a suspender temporalmente a presentación da campaña 1 de 200 na cidade de Pontevedra, que estaba prevista para mañá venres 4, en espera dunha nova data axeitada para celebrala.

Pedimos desculpas polas posibles molestias ocasionadas e emprazámosvos a continuar seguindo as nosas novas e as nosas actividades a través das diversas canles dispoñibles (web, Facebook, Twitter, Youtube, blogs, etc.). Publicaremos a nova data da presentación en canto sexa fixada.

Imos de concerto!

2011-02-26T12:35:00.001+01:00

Dado que as anteriores incursións de Implicadas no ámbito musical non saíron nada mal... repetimos! Esta vez co Concerto de Fin de Xira do disco "Nai", de Xoán de Curiel, coa inestimable colaboración dos músicos Xabier Olite, Álvaro Trillo, Sergio Tannus e Carlos Freire. Grazas, Xoán e equipo pola vosa implicación e solidariedade!

O evento, que sen dúbida promete, terá lugar o vindeiro 10 de marzo (xoves), ás 22:00h. na Sala Nasa (San Lourenzo, 51-53 B, Santiago de Compostela, apertura de portas ás 21:30 h.). O prezo de entrada é de 5 € anticipadas (Gong, A reixa e M*) e 7 € en taquilla, que irán integramente destinados ao proxecto de erradicación do infanticidio feminino
en Salem.

Sabemos que xa coñecedes a campaña 1 de 200, na que se enmarca este proxecto. Pero, como non está de máis lembrar, Implicadas estará presente no concerto con unha mesa informativa sobre a campaña e novos produtos da organización.

Vémonos na Nasa!!!

De novo.... un club de lectura!

2011-02-19T10:10:00.000+01:00

Como sabedes Implicadas hai tempo que ven facendo esta actividade. Un club de lectura consiste en xuntarse un grupo de persoas preocupadas polo mundo e a sociedade en xeral e tendo como eixo un libro afondar en diferentes temas ( solidariedade, xénero, pobreza, diversidade...), debatir, opinar e, sobre todo compartir!

Desta volta o club de lectura será en Compostela. O libro escollido é Estremas de Ana Romaní, do que aproveitamos para deixarvos algo de informació; tanto do libro coma da súa autora, quen nos acompañará o luns 21 de febreiro ás 20.30h no Bar M* (Fonte de Sto.Antonio,15). Podedes atopar o libro nas bibliotecas, nas librarias e no Bar M* para coller prestado, non ha excusa! Non volo perdades!

Estremas, de Ana Romaní

Estremas, emprazado con naturalidade no ronsel das pezas anteriores da autora, érguese como un desafío, como un reto interpretativo para quen o le, o que sen dúbida revela tanto a súa profundidade como a súa capacidade plurisignificativa.

Deste xeito, as “estremas” sitúanos en espazos limítrofes, fronteirizos, periféricos e mesmo arraianos se se quer, desde os que se decide botar unha ollada turbadora a un universo simbólico instalado nas dunas –“nación de sílice que nos move”- que son territorio e corpo, moles oceánicas queimadas polo sol que agochan outras realidades; dunas oscilantes e móbiles porque nada hai inmutábel que non transforme a súa aparencia e a súa esencia. E a transformación vén da man ás veces da sensualidade, da procura e exploración da identidade feminina e mais da reflexión sobre o concepto da outredade, constituíndo así focos de interese en absoluto menores. E nada mellor que testemuñar esa evolución amentada que acudir ao chamado Uadi Al Hitan, o demominado “val das baleas” en Exipto, onde se conservan restos fósiles das baleas que espellan o feito da súa evolución de animais terrestres a acuáticos. A idea, así pois, da transformación, do proceso evolutivo e do cambio, relativo ao territorio mais tamén ao corpo, non podía estar mellor escollido.

Paira así, en todos e cada un destes poemas rotundos que conformas Estremas, unha voz aceda, acaroada ao espírito reivindicativo e ao clamor, que non agocha nin a expresión da furia, dor, carraxe ou coraxe que nos conduce aos eidos do desacougo, convertido ás veces en vontade de rebelión.

Ana Romaní

Se a estética de Romaní presenta os trazos dunha diáfana tensión semántica, expresada de xeito revelador tamén nos silencios e na contención expresiva que se sustenta con eficiencia, non quero esquecer esoutra liña tensional que afecta á linguaxe: dilatando, estricando, outra vez “dinamitando” a palabra para conferirlle unha dimensión clave e resultar operativa para construír un poemario no que o hipertexto o cruza de norte a sur, de leste a oeste, nunha dialéctica que entronca coa obra anterior da autora mais tamén con outras voces líricas de todos os tempos.

A duna ou dunas, en fin, e as súas estremas eríxense como ese espazo que permite o tránsito e a alegoría polas dimensións do territorio-corpo-palabra para chegarmos, logo desa viaxe e desa procura, a unha conclusión de certo renovadora e salvífica na que a voz lírica confesa que “son xa unha nova estación”, sen dúbida un novo, e firme, paso nunha das voces poéticas contemporáneas máis sólidas e interesantes.

Data: 21/02/11

Hora: 20.30h

Lugar: Bar M* (Fonte de Sto.Antonio,15)

Presentación da campaña 1 de 200 en A Coruña

2011-02-11T12:33:00.000+01:00

Este sábado 12 de febreiro presentamos a campaña 1 de 200 en A Coruña. Será ás 12.30 no Fórum Metropolitano e contaremos coa presenza e a colaboración inestimable de Yolanda Castaño e Antón Reixa. A entrada é libre e gratuíta ata completar o aforo.

Por suposto tamén estará o noso voluntariado para atendervos e informarvos e teremos unha mesa de vendas de materiais da campaña e documentación para informarvos e asociarvos.

Non o perdades!

Resultados do sorteo

2011-02-09T13:03:00.000+01:00

Xa temos gañadora do sorteo dun lote de produtos de Implicadas entre as calcetadoras que fixeron posible a nosa colcha colectiva: Olga Gondar.

Queremos recoñecer, tamén, a todas as que participaron neste fermoso proxecto e dárlles as grazas polo seu entusiasmo. Sen vós non tería sido posible!

Aida López, Alicia Lara, Alida Regueira, Ana Belén Negreira, Ana Martín, Aurora Cascudo, Beatriz Laya, Beatriz Macía, Beatriz Sequeiro, Belén Arias García, Blanca Rodríguez, Carmen Meilán, Cristina Corral, Delfina Rey, Elena Bargados, Elena Pérez, Eva Villamor, Fina Chedas, Ilda Machado, Isabel Buño, Judith Carbajo, Laura Outeiro, Laura Rey, Lucía López, Maite Onaindia, María Reimóndez, María de los Ángeles Farinha, María del Carmen Vidal, María Gómez, Marina Coto, Marisol Posse, Mili García, Mº Carmen Arines, Mucha Cajigal, Nenina Martín, Noemí Mimó, Ofelia López, Olalla Lorenzo, Olga Gondar, Olga Otero, Patricial Candel, Paula Casillas, Pilar Soilán, Pili Mimó, Quiteria Mejuto, Raquel Riego, Rocio Díaz, Rosa Mª Isaac, Rosalía Cabanas, Soledad Parral, Sonia Ríos, Sonia Villa, Susana Aríns, Tatiana Conde, Teresa Rodríguez e Vanesa Carbajo.

E, por suposto, a Dolores Lamas, polo inxente traballo de xuntar todos estes anaquiños de solidariedade e convertelos nunha colcha preciosa.

Non podemos deixar pasar a oportunidade de lembrarvos que podedes mercar rifas nos actos da campaña, no noso local de Vigo, pedíndoas por email (se queres mercar varias a un tempo) ou premendo neste botón:

Exposición 10x10 en Ferrol

2011-01-27T18:21:00.000+01:00

Dende o día 31/01/ ao 14/02 poderedes visitar na Escola oficial de Idiomas de Ferrol a exposición 10x10 Implicadas, que se creou co motivo do décimo aniversario da asociación. A exposición consta de 10 cubos con ilustracións, fotografías, textos, etc. que resumen o traballo da asociación na súa primeira década de vida: os nosos proxectos no terreo, o traballo de sensibilización, a xente que fai todo isto posible e moitas cousas máis.

Non deixedes pasar a oportunidade, se estades por Ferrol, achegádevos a coñecer o noso traballo e a nosa xente máis de preto.

Para reflexionar: se o mundo fose unha aldea

2011-01-24T14:06:00.000+01:00

Se o mundo fose unha aldea de 100 habitantes...

-Habería 59 persoas asiáticas, 13 africanas, 12 europeas, 10 latinoamericanas, 5 norteamericanas e 1 de Oceanía.

-52 serían mulleres e 48 homes.

-As menores de 18 anos serían 36.

-77 non serían brancas.

-72 non serían cristiás.

-As 6 persoas máis ricas posuirían o 59% da riqueza de toda a aldea e serían, probablemente, as cinco norteamericanas e unha europea.

-80 vivirían en situación de pobreza e 24 sobrevivirían con 1,20 euros ao día.

-26 serían incapaces de ler, das que 17 serían mulleres e 9, homes.

-19 non terían acceso a auga potable e 43 non terían cuarto de baño.

-Unha persoa morrería este ano e un bebé estaría a piques de nacer. A súa esperanza de vida sería de 65 anos.

-Habería 24 televisores na aldea, nalgunhas vivendas habería 2 e ata 3 aparellos, pero bastante máis da metade dos seus habitantes non tería ningún.

-Só 2 persoas terían educación superior e outra estaría a estudar na universidade.

- Nesta aldea habería 6 computadores.

EXPOSICIÓN: O Son das Buguinas

2010-12-28T22:40:00.000+01:00

Do día 29 de decembro do 2010 ó 10 de xaneiro do 2011 estará na Casa da Cultura de Taboada (Lugo).

Esta exposición versa sobre a tsunami que asolou o surleste asiático no 2004. Céntrase no distrito de Karaikal, na India, onde Implicadas emprendeu un proxecto de axuda humanitaria de emerxencia que derivou nun proxecto de desenvolvemento que segue na actualidade.
Non perdas a oportunidade e aproveita para vela!