09 agosto 2012

DIA 2 VANAKKAM 2012: os inicios


Hoxe pola mañá acercáronse ás oficinas do PDI as representantes de varios grupos de aforro de diferentes zonas do distrito. Novamente puidemos oír de primeira man as súas experiencias e nesta ocasión fixémoslles preguntas máis concretas. Así, contáronnos que o grupo de máis longa duración contaba xa con dez anos de experiencia e o máis novo con seis meses. Sorprendeunos gratamente a boa man para a resolución dos conflitos xurdidos no seo do grupo, e o bo aproveitamento da formación proporcionada pola organización para a posta en marcha dos seus negocios.


Xa pola tarde reunímonos con algunhas destas mulleres nas súas comunidades, onde nos mostraron os produtos que elaboran e comercializan, como por exemplo saris, incienso, petiscos de moitas clases, produtos de limpeza, etc. todos eles artesanais.  Algúns incluso puidémolos probar. Que boas as empanadas!

Destacamos de esta visita o cambio que elas aprecian na súa vida cotiá como resultado da participación nos diferentes grupos de aforro, por exemplo poder ter máis facilidades para facer outras actividades ás que antes non tiñan acaceso, como ir ao banco, asistir ás reunións do grupo…, o que está fomentando tamén que as súas parellas adquiran novos roles no ámbito familiar.

Á noite fomos convidadas por Manimekalai (a muller de Ambal, o director de PDI) á súa casa, onde puidemos coñecer de primeira man a enriquecedora experiencia vital desta muller e o importante papel que desenvolve loitando polos dereitos das mulleres. Ao mesmo tempo puidemos degustar unha típica cea india na que fomos tratadas con moita hospitalidade  e, a verdade, sentímonos como na casa.

VANAKKAM!!!!!